Dost ban kar bhi nahi saath nibhane wala
Wohi andaz hai zalim ka zamane wala
Ab ise log smjhte hein giraftaar mere
Sakhat nadim hai mujhe daam mein lane wala
Kia kahein kitne marasim thi is se
Wo jo eik shakhs hai munh pher k jane wala
Tere hote hue aa jati thi sari duniya
Aj tanha hon to koi nahi ane wala
Muntazir kis ka hon tuti hui dahaliz pe mein
Koun aye ga yahan koun hai ane wala
Mein ne dekha hai baharon mein jalte hue
Hai koi khawab ki tabeer batane wala
Kia khaber thi jo meri jaan mein gula hai itna
Hai wohi mujh ko sare dar bhi lane wala
Tum takaluf ko bhi ikhlas smjhte ho "Faraz"
Dost hota nahi har haath milane wala
No comments:
Post a Comment