Na Kabhi  Aawaz Aati Hai Na Koyi Ghanti Bajti Hai

  Mohabbat Jab Bhi Ho Jaye Ye Chehron Per Chamakti Hai

  Koi Mumlekat Koyi Sarhad Bhi Nahi Iss ki

  Puri Duniya Mein Har Insaan k Dil Mein Basti Hai

 Basharat Ne Mohabbat Ki Kayi Iqsaam Dekhi Hein

 Ye Bin phoolon ,Ye Bin Zewar Bhi Khub Achi Lagti Hai

                                            Aqs e khushbu hon, bikharne se na roke koi
                                            Aur bikhar jaon to mujh ko na samatey koi

                                            Kanp uthti hon mein ye soch k tanhai mein
                                            Mere chehre pe tera naam na parh lay koi

                                           Jis tarah khawab ho gaye mere raiza raiza
                                           Iss tarah se na kabhi  toot k bikhre koi

                                            Mein to is din se hiraasan hon k jab hukam mile
                                            Khushk phoolon ko  kitaabon mein  na rakhe koi

                                            Ab to us raah se wo shakhs guzarta bhi nahi
                                            Ab kis umeed se darwaze se jhaankey koi

                                            Koi aahat, koi awaaz  ,koi chaap nahi
                                            Dil ki galiyaan bari sunsaan hein aye koi




                                       

Har eik shab meri taza azab mein guzri

                                            Har  eik  shab  meri  taza  azab  mein  guzri
                                           Tumhare baad tumhare hi khawab mein guzri

                                           Mein eik phool hon wo mujhe rakh k bhool gaya
                                           Tumam  umer  usi  ki  kitaab  mein  guzri

Bichar jao magar sun lo

sad urdu poetry _bichhar jao magar sun lo NEW... by SADPOETRY

Apna to chahton mein yehi eik asool hai

                                                      Apna to chahton mein yehi eik asool hai
                                                      Tera bhalaa bura hume sab kuch  qabool hai

                                                      Ye umer bhar ka jaagna bekaar hi na jaye
                                                      Tu  naa mila to saari  riazaat  fazool  hai

                                                       Khud hi  kaha tha tu ne meri jaan chor day
                                                       Ab choor di to kyun tera chehra malool hai

                                                       Aye maan ye meri shohrtein meri ye izatein
                                                       Kuch bhi nahi bas tere kadmon ki dhool hai

                                                       Ayi jo teri yaad to aankhein barass paari
                                                       Iss waqat tere dard ka dil pe nazool hai

                                                       Ik doosrey k waastey dono baney Wasi
                                                       Guldaan mera dil hai teri yaad phool hai
                                                     




                                                     
                                                     
                                                     

                                                     

                                                   Jo meri aankhon se khawab dekho
                                                   To eik bhi shab na so sako gye

                                                    Ke laakh chaho na hans sako gaye
                                                    Hazar chaho na ro sako gaye

                                                    Ke khawab kia hein azab hein yeh
                                                    Mere dhukhon ki kitab hein yeh
                                           
                                                   Rafaqtein un ki chot- ti hein
                                                   Mohabbatein un ki rooth- ti hein

                                                   Panapti hein un mein wehshatein si
                                                   Aziyatein un mein phoot- ti hein

                                                   Inhe k sar se khizan hein jazbey
                                                   Inhe se shakhein si phoot ti hein

                                                   Ghamo ki bandish mein khawab mere
                                                   Dukhon ki barish mein khawab mere

                                                  Ubal raha hai dukhon ka lawa
                                                  Zameen aatish hein khawab mere

                                                  Khyal saare jhulas gaye hein
                                                  Sulagti khawahish hein khawab mere

                                                  ukharti saansein hein zindagi ki
                                                  Lahu ki sazish hein khawab mere

                                                  Jo meri aankhon se khawab dekho
                                                  To eik shab bhi na so sako gaye






                                             

Ye kab kaha tha nazron se khof ata hai

                                                   Ye kab kaha tha  nazron se khof ata hai
                                                   Mujhe to chand sitaron se khof ata hai

                                                    Mein dushmano k kisi war se nahi darta
                                                    Mujhe to apne hi yaaro se khof ata hai

                                                   Ghazan ka jabar to sene pe rook lete hein
                                                    Humen  udas  baharo  se  khof  ata  hai

                                                    Mile hein Doston beshak yahan se gham itne
                                                    Mere  badan  ko  saharon  se khof  ata hai

                                                     Mein  iltafat  ki khandak  se dor rehta hon
                                                     Talokaat  ke  gharon  se  khof  ata  hai





                                                   
                                                 

                                               kaise bhula do us ko mein
                                               Moat Insaan ko ati hai, Yadon ko nahi

Usne Mujhe Chor Diya to Kia Hua Faraz

    Usne Mujhe Chor Diya to Kia Hua Faraz                                              

    Mene Bhi To Chora Tha Sara Jahan Us k Liye    

                                         

                                                 

                                                  Sadiyon se Jagi Aankhon ko

                                                  Eik bar Sulaaney Aa Jao ...

                                                  Maana k Tum ko Payaar Nahi

                                                  Nafrat hi Jataaney Aa Jao ...

                                                  Jis Mor pe Hum ko Chor Gaye

                                                  Hum Baithy Ab Tak Soch Rahe

                                                  Kia Bhool hui Kyun  Juda Huay

                                                  Bas Ye Samjhane Aa Jao.....

                                                  Har Lamha Teri Furqat Mein

                                                  Hum Tarap Rahe Hum Taras Rahe

                                                   Meri Maano Tum is Dil ko ...

                                                   Kuch Pal Bhelane Aa Jao...

                                                    Sadiyon se Jagi Aankhon ko..

                                                    Eik Bar Sulaane Aa Jao...

                                                  

                                                  

                                                  

Dasht-e-Hijran Mein Saya Na Sada, Terey Baad

Dasht-e-Hijran Mein Saya Na Sada, Terey Baad 
Kitney Tanha hein terey aAbla- paa, Terey Baad

     Lab pay Eik Haraf e Talab tha na Raha ,Terey Baad

     Dil mein Taseer ki Khawahish na Dua ,Terey Baad

    Aik Hum Hein k Hein Be Barg o Nawa, Terey Baad

    Warna Aabad Hai Eik Khalq e Khuda ,Terey Baad

   Eik Qayamat ki Khirashien Merey Chehre pay Sajein

   Eik Mehshar  Merey  Andar se Utha ,Tere Baad

    Tu k Simta To Rag e Jaan ki Hadon Mein Simta

    Mein k Bikhra To Simta Na Gaya , Terey Baad

   Ye Aalag Baat k  Afshaan na Howa Tu Warna

    Mein ney Kitna Tujhe Mehsoos Kia , Terey Baad

   Meri Dukhti Hui Aankhon Se Gawahi Lena

   Mein Ne Socha Tujhe Apne Se Siwa , Terey Baad

  Seh Liya Dil ne Terey Baad Malaamat ka Aazab

  Warna Chubti hai Rag e Jaan Mein Hawa ,Terey Baad

Kis liye ab udas baithy ho

Sad poetry kis lia ab udas bathe ho by SADPOETRY

                                      Takmeel e Khwahishat ne hume khub rula Rula rakha hai
                                      Dekho  insaan  ne Duniya  mein  kia  Dil  laga  Rakha  hai

                                      Umeer  beet  chaali  sab  ki  bhaagtey  baaghtey  Yaaro
                                      Haal to Dekhein hum ne kia be haal bana Rakha hai

                                      Do chaar khwahishon  ki  to  koi  baat  hi  nahi
                                      Hume to Haazaro ki  aag  ne  jala  Rakha  hai

                                      Koi  kisi  ki  sachi  baat  bhi  sunta  nahi
                                      Lakh  kahein Sangdil ,Duniya ko aazma Rakha hai

                                     Basharat sakoon e Dil usay kabhi muyasir nahi ho ga
                                     Jis ne takmeel e khwahishaton mein Khuda ko bhula Rakha hai

Jab Yad ka angan kholon to

                             
                                                          Jab Yad ka angan kholon to
                                                          Kuch dost bohat yad ate hein

                                                          Mein guzre dino ko sochon to
                                                          Kuch dost bohat Yad ate hein

                                                          Ab jane kis nagri mein
                                                          Soi pari hai Mudat se

                                                          Mein raat gaye tak jagon to
                                                          Kuch dost bohat Yad ate hein

                                                          Kuch baatein thein phoolon jaisi
                                                          Kuch khushbo jaise lehje thy

                                                          Mein shehr e Chaman mein tehlon to
                                                          Kuch dost bohat Yad ate hein

                                                          Wo pal bhar ki narazgiyan aur
                                                          Man bhi jana pal bhar mein

                                                          Mein khud se jab bhi roothon to
                                                          Kuch dost bohat Yad ate hein

                                             

Merey lafzo ki pehchan agar wo kar leta Faraz

                                          Merey lafzo ki pehchan agar wo  kar  leta  Faraz
                                          Usay mujh se nahi , Khud se hi Mohabbat ho jati

    Mohabbat to Ruhh Hai Jana
    Jism se Jo ho wo Mohabbat nahi hoti     

                                                 

                                              Waja jo dhoondo gaye to sadiyaan beet jayein gi
                                              Kaha na tum yaad atay ho , to bass yaad atay ho