Mein Sach Kahon Gi Magar

Mein Sach  Kahon Gi Magar Phir Bhi  Har Jaon Gi
Wo Jhoot Bole Ga Aur Lajawab Kar Dy Ga...

Pura Dukh Aur Aadhura Chaand
Hijr Ki Shab Aur Aisaa Chaand

Itne Ghane Badal K Pechhe
Kitna Tanhaa Hoga Chaand

Meri Karwat pe Jag Uthe
Neend Ka Kitna Kachaa Chaand

Sehra Sehra Bhatak Rahaa Hai
Apne Ishq Mein Sachaa Chaand

Raat K Shayed Ek Baje Hein
Sotaa Hoga Meraa Caand

Apni hi saada sunun kahan tak ???
Jungal ki hawa rahon kahan tak???

Har bar hawa na ho gi dar par
Har bar magar uthon kahan tak???

Dum ghut'ta hai ghar mein hubas wo hai
khushbu k liye apna raffuu karon kahan tak???

Sahil se samandaron se bach kar
Mein tera naam likhon kahan tak???

Tanhai ka eik eik lamha
Hangamon se qarz lon kahan tak???

Gar lams nahi to lafz hi bhej
Mein tujh se juda rahon kahan tak???

Sukh se bhi to dosti kabi ho
Dukh se hi gale milon kahan tak???

Mansob ho har kiran kisi se
Apne liye hi jalun kahan tak???

Anchal bhar k mere phat rahe hein
Phool us k liye chunu kahan tak???

Tummam raat mere ghar ka ...

Tummam raat mere ghar ka eik dar khula raha

Mein raah dekhti rahi wo raasta badal gya

                                            Aqs e khushbu hon, bikharne se na roke koi
                                            Aur bikhar jaon to mujh ko na samatey koi

                                            Kanp uthti hon mein ye soch k tanhai mein
                                            Mere chehre pe tera naam na parh lay koi

                                           Jis tarah khawab ho gaye mere raiza raiza
                                           Iss tarah se na kabhi  toot k bikhre koi

                                            Mein to is din se hiraasan hon k jab hukam mile
                                            Khushk phoolon ko  kitaabon mein  na rakhe koi

                                            Ab to us raah se wo shakhs guzarta bhi nahi
                                            Ab kis umeed se darwaze se jhaankey koi

                                            Koi aahat, koi awaaz  ,koi chaap nahi
                                            Dil ki galiyaan bari sunsaan hein aye koi