Kal Raat Ye kaisa sapna tha

Kal Raat Ye kaisa sapna tha

Eik umer hui jo bichra tha

Wo shab bhar saath tha apna tha

Kal raat ye kaisa sapna tha

Kal raat ye kaisa sapna tha

Jab khawab mein hum dono thy mile

Dono ke mann ke phool khile

Phir khub howe thy gile shikwe

Kia tera mujh se liptna tha

Kal raat ye kaisa sapna tha

Thein yaad humein saari baatein

Wo pyaare din wo pyaari raatein

Chup chup ke thein pyar ki ghatein

Tera chori ghar se nikalna tha

Kal raat ye kaisa sapna tha

Honton par tere tabassum tha

Aur ankh ka sehra purnum tha

Tha shaad kabhi tu barham tha

Kabhi mujh ko tera takna tha

Kal raat ye kaisa sapna tha

Kia ghair tha tera haal sanam

Chup ankhein bikhre baal sanam

Kia kar gye mah o saal sanam

Kia waqt ko yun hi guzarna tha

Kal raat ye kaisa sapna tha

Tujhe pa kar hum madhosh howe

Nashe mein kuch behosh howe

Phir yakdam tum khamosh howe

Phir eik dam ankh ka khulna tha

Kal raat ye kaisa sapna tha

 Ab mein hon yaad tumhari hai

Abi raat bhi baqi saari hai

Ab zeest ye nujh par bhari hai

Mera sapna yun hi bikharna tha

Kal raat ye kaisa sapna tha

a

Mein ne socha hai ke ab tujh se kinara kar loon

Mein ne socha hai ke ab tujh se kinara kar loon

Ab bhi hai yaad bohat pehli mulaqat mujhe

Yaad hai yaad hai sab choti bari baat mujhe

Yaad hai muchle howe tere jazbaat mujhe

Tujh ko gar yaad nahi koi ashara kar loon

Mein ne socha hai ab tujh se kinara kar loon

Dil dharkty thy kabhi saath humare Jaana

Ashk behte thy mere dukh pe tumhare jaana

Aj tanhaa hon kahan hein wo sahare jaana

Kash us waqt ko hasil mein dobara kar loon

Mein ne socha hai ke ab tujh se kinara kar loon

Jane kia baat hai ab badli howi lagti ho

Ajnabi lagti ho tum jab bhi mujhe takti ho

Mein yaqeen kaise karon aisi bhi ho sakti ho

Be rukhi teri bata kaise gawara kar loon

Mein ne socha hai ke ab tujh se kinara kar loon

Tu bulaye gi to aaon ga tere dar par tab

Aik na aik roz to kat jaye gi ye hijar ki shab

Ab ye parwa hai kis ko ke sehar ho gi kab

Aj ji bhar ke mein dedar tumhara kar loon

Mein ne socha hai ke ab tujh se kinara kar loon

Mein nahi aaon ga tujh ko jo zara pyar nahi

Uth ke jane lagon to rukne pe asrar nahi

Ghum se mein darta hon gar to meri ghum-khawar nahi

Tu sitam dhaye kisi par ye nazara kar loon

Mein ne socha hai ke ab tujh se kinara kar loon

وہ دیکھو کیسا آیا جھوم جھوم کے دسمبر

وہ دیکھو کیسا آیا جھوم جھوم کے دسمبر

خوشیاں ہی خوشیاں ساتھ لایا دسمبر

پہلا دن اس کا گزرا بڑی بے  چینی سے

دوسرا دن بھی  خموشی میں بتایا دسمبر

تین دسمبر کو میں نے اک انجانا خواب دیکھا 

چار کو میں نے چاند کا منظر پایا دسمبر

پانچ دسمبر کو اک دھندلی سی تصویر اُبھری

چھ اور سات کو رم جھم مینہ برسایا دسمبر

آٹھ دسمبر سبھی کام کیے بہت اُجلت میں

پھر بار بار موبل پہ نظریں جمایا دسمبر

نو دسمبر کا دن بیتا اور وہ روشن رات آئی

نیند تھی کوسوں دور پھر رات جگایا دسمبر

دس دسمبر کی وہ سہانی صبح آئی ساجن

میرے قلب و روح میں اُترا میرا رشکِ قمر

(عبدالرؤف ساجن)

December ka rawaiya Be

December ka rawaiya Be

Ussi Bedard Jaisa hai

Na Jazbon Mein Tapish Koi

Na Lehjay Mein koi Garmi

Na Baaton Mein koi Narmi

Siyah Raatein, Khafa Neendein

Thakan se Chor Jism o Jaan

Na Seenay Mein Arman koi

Na Khawab Meharban Koi

December ka Rawaiya Bhi

Ussi Bedard Jaisa

Daman Pe Lage Dagh Kisi k Dho Kar To Dekho

Daman Pe Lage Dagh Kisi k Dho Kar To Dekho

Kisi k Dukh Sare Apn Andar Samo kar To Dekho

Muskurahat Pe To Sabi Saja Lete hein Muskurahatein Apni

Kisi k Dard Pe Kabi Apni Palkein Bigho Kar To Dekho

Ache Achon ko To Seenay Se Laga Hi Lete Hein Sare

Kabhi Bure Buron Ke Bhi Tum Ho Kar To Dekho

Insaan Ho To Karo Insaano Ki Zaat Se Bhi Pyar Tum

Phool Day Kar,Kaantay Khud Ko Kabhi Chabo Kar To Dekho

Do Jahan Ki Naimaton Se Bhar Day Ga Jholi Tera Malik

Kabhi Sajde Mein Sadq- e -Dil Se Sajan Ro Kar To Dekho

Agar Mein Door Ho Jaon

Agar Mein Door Ho Jaon 

To Palkon Ko Jhapka Dena

Agar Aansu Gira Koi

Samjh Jana Wo Mein Hon

Haatheli Samne Rakhna

Ke Sab Aansu Girein Us Mein

Ruk Jaye Jo Honton Pe

Samjh Jana Wo Mein Hon

Jo Chal Jaye Hawa Thandi

To Ankhein Band Kar Lena

Jo Sab Se Tez Jhonka Ho

Samjh Jana Ke Wo Mein HoN

Agar Tum Bhulna Chaho Mujhe

 Shayed Bhula Do Mujhe Tum

Jab Sans Aye To Samjh Jana 

Ke Wo Mein Hon

Kyun Ho Itnay Khafa Khafa Se

Kyun Ho Itnay Khafa Khafa Se

Kyun Ho Itnay Juda Juda Se..

Tujhe Bhula Daein To Kaisay

Kyun Ho Itnay Dua Dua Se..

Ye Tanhai Dasti Hai Mujhe,

Kyun Ho Itnay Saza Saza Se..

Tera Hi Zikar Kia Mein Ne Har Gari,

Kyun Ho Phir Itnay Bewafa Bewafa Se..

Tera Hi Naqsh Namayaan Hai Janaa,

Aashar Ki Har Ada Ada Se..

Suraj ko Dafnanay Aye

Suraj ko Dafnanay Aye

Dhalti Shaam Ke Lambay Saye

Dukh Ne Sukh Ka Saans Liya Hai

Kash Koi Phir Yaad Na Aye

Eik Hi Rasta Hum Dono Ka

Dekhein Koun Kahan Tak Jaye

Aaj Ghaat Se Khushbu Barsi

Jaise Koi Zulfain Lehraye

Kash Koi Samjhae Us Ko

Lekin Koun Usay Samjhaye

Tujh Se Yun Bichra Ho Jaise

Pathar Se Sheesha Takraye

Banjar Dharti Poch Rahi Hai

Chand Pe Kis Ne Shahar Basaye

Wo Khushbu Ki Mouj Hai "MOHSIN"

Koun Us Ki Tasveer Banaye

Chalo Khawab Ankhon Mein Saja Kar Dekhtay Hein

Chalo Khawab Ankhon Mein Saja Kar Dekhtay Hein
Chalo Hum Kisi Ko Apna Bana Kar Dekhtay Hein

Khon K Rishton Say Aitabar Uth Gaya
Chalo Benam Rishtay Bana Kar Dekhtay Hein

Zindagi Asan Ho Jaye Shayad Humari
Chalo Hath Ki Lakirien Mita Kar Dekhtay Hein

Andheri Shab Tu Kisi Surat Kat'ti Nahi
Chalo Ghar Apna Jala Kar Dekhtay Hein

Hamein Maloom Hay K Tum Nay Hamara Hona Nahi
Chalo Tum Per Ye Zindagi Luta Kar Dekhtay Hein...

Na tum door jana ...

Na tum door jana ...

Na hum door jayein gye...

Hum apne apne wady nibhaein gye...

Bohat acha lagay ga zindagi ka safar...

Tum wahan se yaad karna...

Hum yahaan muskuraein gye...

Zara thehro chale jana...

Zara thehro chale jana...

Tume eik phool dena hai...

Aur tum se ehad lena hai...

Tume armaan kehna hai...

Tume dil jaan kehna hai...

Juda karne ki sazish ko...

Hume bejaan kehna hai...

Humhe tum se ye kehna hai

Batao na...

Mohabbat k liye eik phool kafi hai ?

Ya phr tum chand mango gay ?

Ya meri jaan mango gaye ?

Sada ka saath mango gye ?

Ya phr ye haath thamo gye ?

Zara thehro...!Chale jana...

Tumhe eik phool dena hai...

Aur tum se ehad lena hai...

Tume kiya likho???

Tume kiya likho???

Dost likho...

Humdam likho...

Gumghusar likho...

Ya pyaar likho???

Dil to chahta hai k

Duniya k tumam 

Khubsurat alfaz ko 

Yaqja kar k eik pyaari

Si baat likho

Tum ko apni kainaat likho

Mujhe Tum Yad Ate Ho

Kahein Koi Samundar Ho

Kahein Koi Kinara Ho

Kahein Qudrat K Manzar Ka

 Koi Dil Kash Nazara Ho

Kahein Bhegay Se Badal Ne

  Koi Mosam Sanwara Ho

Koi Sundar Sa Moti Ho

Koi Roshan Sitara Ho

Kisi Chashme Mein Qudrat Ne

 Dhanak Rang Utara Ho

Us Lamhe Mujhe Tum Yaad Ate Ho

Pehly Mera Khat Ke Us Ne

Ik Anjane KHof ke Dar Kar

Tukre Tukre Kar Dale

Ab

Ik Haseen Ihsaas Ke Tab'a

Jis Ka Koi Naam Nahi Hai

Pichle Kitne Hi Ghanton Se

Darwaze Ki Aoot Main Chup Kar

Tukre Jor Rahi Hai... Pagal 

                                      Mere Hamsafar , Mere Saayeba'n
                               Meri Zindagi , Mera kul Jahan

                               Hein Raah Hayaat ke Silsley,
                               Kabi Furqaatein , Kabi Faasley

                               Rahein Tere Saath Rawaan Dawaa'n
                               Mere Karwaan , Mere Kaafley

                              Tu hai Ru baruu, Tu hai Nihaa'n
                               Mere Hamsafar ,Mere Saayeba'n

                              Teri Mulqaat ki khawahishein
                              Teri Aarzu ,Teri Chahtein

                            Shab o Roz Teri Justajuu
                            Tujhe Dhoonti Phiroon Ku Bakuu

                            Tu Mera Yakeen Tu Mera Gumaa'n
                            Mere Hamsafar , Mere Saayeba'n