Jo Mujhe Bhula Daein Gye

Mere Chehre se Mera Dard Na Pehchan Pao Gye

Wo to khushboo hai

Naat e Rasool e Maqbool

                                                                                      

Tere kadmo ki Khak Bano, Hasti ki Baqi Na Boo Rahe

Tera Dar Ho Mera Sar Ho, Mere Dil Mein Tu Hi Tu Rahe

Mujhe Tera Deedar Ho, Tere Aashiqon Mein Mera Shumar Ho

Tujh Ko Hii Mein Dekhaa Karon, Tu Mere Chaar So Ho

Hoti Rahe Aahat Teri, Mere Dil Ki Chaukhat pe Sada

Jahan Sara Mein Chor Don, Tu Mere Ruh ba Ruh Rahe

Meri Jabeen-e- Niyaz Ho, Mere Aqa Tera Nalain Dil nawaz Ho

Sar Ko Qadam Bana Ke Chalon, Teri Chaukhat Meri Arzu Rahe

Tere Qadmon Ki Dhul Ho, Mera Chehra Khila Phool Ho

Teri Rahguzar Ke Nisaar Mein, Mujhe Teri Hi Justuju Rahe

Tera Kalma Pathron Ne Parha, Dushman Bhi Adab Se Howa Khara

Tere Rab-e-Karim Ki Hia Ye Raza, Tera Zikar Ku-b-ku Rahe

Aye Shafi-e-Mehshar,  Saqi-e-Kausar,"SAJAN" Pe Ho Itni Nazar

Mujhe Payas Jo Tarpaye To, Teri Deed Jaam-o-Saboor Rahe

Wo Mera Jism-o- Jaan , Mein Us Ka Kuch Bhi Nahi

Wo Mera Jism-o- Jaan, Mein Us Ka Kuch Bhi Nahi

Wo Hai Mera Ruh-e- Rawan, Mein Us Ka Kuch Bhi Nahi

Wo Hai Shireen Bayan, Mein Hon Kaj Muj Zuban

Wo Hai Mera Sukhan Dan, Mein Us Ka Kuch Bhi Nahi

Wo Hai Husan-e- Javidan, Mein Hon be Naam-o-Nishan

Wo Mera Khasa-e- khashan, Mein Us Ka Kuch Bhi Nahi

Is Ka Talib Eik Jahan, Mere Liye Wo Sara Jahan

Wo Hai Mera Mah-e-Taban, Mein Is Ka Kuch Bhi Nahi

Is Ka Wajood Saya Amaan, Mera Wajood Nafrat Ka Makaan

Wo Mera Mehkta Gulstaan, Mein Us Ka Kuch Bhi Nahi

Wo Mere Dard Ka Darman, Is Ke Wasaf  Be Karan

Sajan Kaise Kare Bayan, "SAJAN" To Kuch Bhi Nahi

Mein Usay Yaadon Ki Rahon Par

Mein Usay Yaadon Ki Rahon Par Dhundne Nikal Jata Hon

Aur Khushk Pattaon Ki Tarah Aksar Toot Ke Bikhar Jata Hon

Kisi Rah Guzar Pe, Kisi Pair Ke Saye Talay,Kisi Nukar Par

Wo Rashk e Qamar Nazar Ata Hai To Simat Kar Nikhar Jata Hon

Jab Wo Pochta Hai ,Kia Meri Yaadon Mein ab Bhi Rote Ho

Mein Aankhon Mein Ashk Bhar Ke Saaf Mukar Jata Hon

Us Ka Dil Kabhi Naram ,Kabhi Sanglakh Chitano Jaisa Hai

Kabhi Dil Mein Utar Jata Hai,Kabhi Dil Se Utar Jata Hai

Ajab Dhoop Chahhon Jaisi Mohabbat Hai Us Ki "SAJAN"

Kabhi Pa Kar Bighar Jata Hai,Kabhi Kho Kar Sudhar Jata Hai

Kabhi toota nahi mere dil se ...

Thukra Diya Jinhon Ne Mera Waqt Dekh Kar

Daman Pe Lage Dagh Kisi k Dho Kar To Dekho

Daman Pe Lage Dagh Kisi k Dho Kar To Dekho

Kisi k Dukh Sare Apn Andar Samo kar To Dekho

Muskurahat Pe To Sabi Saja Lete hein Muskurahatein Apni

Kisi k Dard Pe Kabi Apni Palkein Bigho Kar To Dekho

Ache Achon ko To Seenay Se Laga Hi Lete Hein Sare

Kabhi Bure Buron Ke Bhi Tum Ho Kar To Dekho

Insaan Ho To Karo Insaano Ki Zaat Se Bhi Pyar Tum

Phool Day Kar,Kaantay Khud Ko Kabhi Chabo Kar To Dekho

Do Jahan Ki Naimaton Se Bhar Day Ga Jholi Tera Malik

Kabhi Sajde Mein Sadq- e -Dil Se Sajan Ro Kar To Dekho